Lalaki, patay human mibangga sa ambulansya sa Lower Jasaan, Misamis Oriental.

GAWASNON ang drayber sa ambulansya sa Balingasag Misamis Oriental!
Human nagka-amicable settlement sa pamilya sa usa ka lalaki’ng motorsiklista nga nabanggaan-patay sa Lower Jasaan Misamis Oriental kahagapo’ng adlawa.
Biktima’ng namatay giilang si Alvin Anino, hingkud ang panuigon, menyo ug residente sa San Antonio, Jasaan samtang giila ang drayber sa ambulansya nga si Ryan Paid, 40-anyos.
Base sa imbestigasyon sa Kapulisan nga naglatas sa managlahing direksyon ang duha (2) ka vehicle.
Padulong ang Ambulansya sa Cagayan de Oro City aron I-transport ang usa ka pasyente ngadto sa NMMC ug pauli ang biktima.
Apan sa lugar sa nahitaboan sa insidente kalit lamang nangilog og dalan ang motorsiklista hinungdan nga nabanggaan ug napasok kini ilawom sa ambulansya.
Matud ni Jasaan Asisstant Traffic Investigator Police Staff Seargeant Gil Llanares nga tubagon sa drayber sa ambulansya ang burial ug medical asssistance sa pamilya sa biktima.

“…ang ambulansya gikan sa Balingasag mag transport unta og pasyente paingon sa Provincial Hospital pag abot niya dinhi sa Jasaan particularly diha sa lower kanang dapit sa na disgrasyahan ang motor naa sa opposite lane ni swerve siya sa linya sa ambulansya mao tong ang ambulansya wala nabantayan nga naay motor kay ni swerve man siya tapos ngitngit na diha so na bump siya sa ambulansya ang resulta nailalom siya sa motor mao tong ang resulta sa ilalom namatay gyud siya, initially nagka settle sila sa pamilya nagka-amicable settlemen sila provided nga i-shoulder sa driver sa ambulansya ang burial ug medical assistance sa pamilya nga na biyaan kay minyo man tong namatay…”
Jasaan Asisstant Traffic Investigator Police Staff Seargeant Gil Llanares.

SOURCE: P.I/#8
Photo Source: Joice Aprielle