Konsehal, mi-angkon nga dako’g hagit sa kapulisan ang imbestigasyon sa pagkasunog-patay sa usa ka pamilya sa Barangay Indahag ning ciudad.

GI-angkon sa Konsehal nga dako’g hagit sa kapulisan ang imbestigasyon sa nahitabong pagkasunog-patay sa usa ka pamilya sa Lower Sumpong Barangay Indahag ning ciudad!
Matud ni Committee on Public Safety Chair Councilor Romeo Calizo nga isolated ang area sa nahimutang sa mga biktima hinungdan nga magbaton kini og challenge sa pag-ila sa posibleng mga responsible sa krimen.
Giklaro pa niini nga nagpahigayon kaganihang buntag og panagtagbo ang mga tinugyanang ahensya aron mas mapalapdan pa ang imbestigasyon sa pagkamatay sa pamilyang Galpo ug Epanes.

“…sa pagka karon man gud on going ang imbestigasyon sa atong kapulisan ug interested agencies sa nahitabo, kaganina gani nag meeting atong kapulisan para mag lay out sa plano para unsaon gyud ang pamaagi niini para mahibaw-an ang sakto nga cause sa pagka sunog sa balay sa Indahag, they’re knowledgable of the discription sa lugar naa silay mga suspicions nga foul play pero syempre kinahanglan gyud nga tarungon ang imbestigasyon para makahatag gyud tag sakto nga information sa publiko kabahin sa nahitabo, walay makuha nga lead tungod kay ang lima nga naa didto sa balay nangamatay man tanan, wala pud makuha sapagka karon ang atong kapulisan nga details to the exact cause, isolated area ni siya gani naay mga indicators of commotion so challenge gamay satong mga investigator nga ma determine ang exact cause…”
Committee on Public Safety Chair Councilor Romeo Calizo.

SOURCE: SBPSH
Photo Source: SUNSTAR