India gitugutan ang pag-export og non-basmati rice sa Pilipinas.
GITUGUTAN sa gobyerno sa India ang pag-export og 295,000 metric tons sa non-basmati white rice sa Pilipinas!
Kini ang pinakadakong alokasyon sa rice exports nga gigahin sa India sa pito (7) ka nasud nga gitugutan sa pag-exports.
Lakip sa pito (7) ka nasud ang Cameroon, Malaysia, Guinea, Ivory Coast , Nepal ug Seychelles.
Gisundan sa Cameroon ang ikaduhang pinakadakong allotment nga adunay 190,000 metric tons ug ikatulo ang Malaysia nga adunay 170,000 metric tons.
Matud ni Department of Agriculture Undersecretary Domingo Panganiban nga makigkoordinar kini sa Indian government aron tugutan ang importasyon sa humanitarian grounds.
Dumduman nga bag-ohay lamang gi-banned sa India ang pipila ka overseas sales sa humay aron sa pag-rekober sa local prices.
Hisayran nga ang India ang usa sa pinakadakong rice exporter worldwide.
SOURCE:ABS-CBN NEWS
Photo Source: Goodreturns
