Grupo sa mag-uuma, nagtuo nga nakadaot sa administrasyong Marcos ang BOC.
NAGTUO ang grupo sa mag-uuma nga nakadaot sa administrasyong Marcos ang Bureau of Customs kon BOC.
Gitin-aw ni AGAP Partylist Representative Nicanor Briones nga apektado ang ekonomiya sa nasud tungod sa naghitak nga smuggling partikular na sa bugas.
Giklaro sa magbabalaod nga kinahanglang tutokan sa BOC ang pagpakgang sa smuggling, hoarding og profiteering.
Gipamugos pa ni Briones nga kinahanglang moluwat sa pwesto ang mga kadagkuan kung dili masulbad ang problema sa pagpalusot sa illegal nga mga produkto.
Dumduman nga mismong si President Ferdinand Marcos ang nangulo aron bag-uhon ang balaod batok sa mga smuggling partikular sa agri smuggling.
SOURCE: RNT
Photo: ABS-CBN News
