CHO, mikumpirmar nga nahutdan na og COVID-19 vaccine ang ciudad!

GIKUMPIRMAR sa City Health Office kon CHO nga nahutdan na og COVID-19 vaccine ang ciudad!
Matud ni CHO Head Dr. Rachel Dilla nga gipadangat na kini sa nasudnong pangagamhanan hinungdan nga magpa-abot na lamang sa mga bag-ong hugna nga bakuna nga mahidangat sa ciudad.
Gipadayag usab sa opisyal nga nakigkoordinar na kini sa Department of Health kon DOH-10 alang sa bivalent vaccine nga gitakdang I-bakuna sa katawhang wala pa ma-booster shot.
Samtang nagpasidaan si Dr. Dilla sa tanan nga taliwala dili na hulga ang COVID-19 ang apan kinahanglang magbinantayon kanunay og padayong ipatuman ang social distancing aron makalikay sa mga bisan unsang sakit partikular na sa flu-like illnesses.

“…wala na tay vaccination for COVID, wala na tay available nga vaccine. Maghulat lang ta naa man tay gipaabot nga bivalent ang atong kagamhanan sa national so wala pa may advice so magpaabot lang ta..”
CHO Head Dr. Rachel Dilla

SOURCE: CIO
Photo: Cagayan de Oro City Information Office