Case build-up sa kasong pagsunog-patay sa pamilyang Galpo ug Epanes, gipalawman sa kapulisan.

GIPALAWMAN sa kapulisan ang pagpahigayon og case build-up sa kasong pagsunog-patay sa pamilyang Galpo ug Epanes sa Lower Sumpong Indahag ning ciudad!
Matud ni COCPO Spokesperson Police Lt. Col. Evan Viñas nga gibuksan ang tanang angolo ilabina nga mikatag karon ang report nga usa ka uniformed personnel ang nagpaluyo sa nahisgutang lino-og nga krimen.
Giklaro pa sa opisyal nga padayon pa kining nanguha og ebidensya ilabina ang pakighinabi sa mga residente sa lugar ug sa mga personal background sa mga biktima.
Gipamugos pa ni Col. Viñas nga dili pa mabutyag ang mga ngalan sa persons of interest aron dili mapre-empt ang nagpadayong imbestigasyon.

“…tanang angolo gi-ablihan noh para matagaan sa sulbad ang nahitabo diha sa Sumpong Indahag ako lang mangayo kog despensa kay kamulo paman nato ni gi imbestigahan dili nato mapadayag sa kahanginan o ma disclose ang mga personalidad nga atong gitumbok karon kay kamulo paman tag imbestiga gyud, kita gapadayon gihapon wala nato gipasagdaan ang nahitabo diha sa Lower Sumpong so ga build up nata padulong sa pag-able sa tanan angolo nga mamahimong mo derive kita sa completo nga mutibo nganong nahimu tong maong binuhatan…”
COCPO Spokesperson Police Lt. Col. Evan Viñas.

SOURCE: SH&V
Photo Source: SRLIVE