Bag-ong gabayan sa PBA, ipatuman sa PBA Commissioner’s Cup!

MAKATABANG ang ipatuman nga bag-ong gabayan sa PBA alang sa mga professional players nga magdula sa Gilas Pilipinas sa mga FIBA-sanctioned tournaments susama sa World Cup!
Kini tungod dili na mamahimong mangayo’g timeout ang usa ka player nunot sa dula sa nagsingabot nga 2023 PBA Commissioner’s Cup susama sa gihimo sa FIBA tournaments.
Gibutyag ni PBA Commissioner Willie Marcial nga ang coach na lamang ang mahimong mohimo niini.
Samtang giklaro pa sa opisyal nga aduna usab bag-ong PBA rule alang sa mga coaches kalabot sa pagkwestyon sa call sa referee.
Gitakdang magbukas ang 2023 PBA Commissioner’s Cup karong Nobyembre 5 ning tuiga.

SOURCE: PSN
Photo:PhilSports.ph