58 katawo, patay dala sa Diphtheria outbreak sa Guinea.
MISAKA na sa 58 ang patay dala sa Diphtheria outbreak sa Guinea!
Subay sa World Health Organization kon WHO nga kadaghanan niini mga batan-on.
Giingung ang labi ka makatakod nga sakit sa respiratory mahimong makamatay sa lima hangtud dyes porsyento sa mga kaso, ug mas taas pa sa mga bata.
Gikataho sa WHO nga 500 ka gidudahang mga kaso sukad niadtong Hulyo nakasentro sa Siguiri prefecture diin ang sintomas kasagaran magsugod sa sakit nga tutunlan ug hilanat.
Giangkon karon sa Health Services sa Guinea nga ang bakuna batok sa diphtheria ubos sa 50 porsyento sa populasyon sukad 2014.
SOURCE:NDTV
Photo Source: MedicalXpress
