21 ka tawo, patay ug 18 ang samaran human mibangga ang bus sa flyover sa Venice!
PATAY ang 21 ka tawo lakip na ang duha ka bata ug 18 ang samaran human mibangga ang bus sa flyover sa Italian City sa Venice!
Base sa report nga kalit na lamang nawad-an sa break ang bus ug mibangga sa flyover nga nagkonektar sa Metre ug tulay sa Venice.
Gibutyag sa mga nakasaksi nga human na-head on sa flyover kalit nagkalayo ang bus hinungdan nga naglisod na og gawas ang mga biktima.
Samtang gipadayag ni Interior Minister Matteo Piantedosi nga posibleng mosaka pa ang ihap sa mga namatay tungod pipila sa mga nadala sa balay-tambalanan ang ang anaa sa talandugong kahimtang.
Sa karon padayong gitumbok sa mga otoridad ang hinungdan sa insidente.
SOURCE: BBC
Photo: Euronews.com
