18 ka OFW’s nga gikan Israel, nakauli na sa Pilipinas.
NAKAULI na ang 18 ka OFW’s nga gikan sa Israel sa Pilipinas!
Gipanguluhan ang pagtagbo sa mga nasangpit nga OFW nilang DMW Undersecretary Maria Anthonette Allones, OFW Partylist Rep. Marissa Magsino, DFA Undersecretary Jose de Vega ug representative gikan sa TESDA, DSWD, DOH ug uban pa.
Nakadawat ang mga Filipino nga na-repatriates og tabang pinansyal gikan sa nagkalain-laing ahensya sa gobyerno nga mikabat sa kapig 100,000 pesos matag usa.
Gibutyag ni Usec. Allones nga daghan’g Pinoy sa Israel ang mipadayag og interes nga mopauli sa nasud.
Samtang, naglaum ang DFA nga makauli na ang mga Pinoy gikan sa Gaza sunod semana.
135 ka Filipino ang ana-a sa Gaza apan dili tanan ang buot mopauli taliwala nga gitaas ngadto sa Alert Level 4 o mandatory repatriation ang sitwasyon.
SOURCE:SMNI NEWS
Photo Source: GMA
