1 peso nga provisional increase sa pamasahe sa PUJs sa nasud, aprubado na sa LTFRB!
GI-aprubahan sa Land Transportation Franchising and Regulatory Board kon LTFRB ang 1 peso nga provisional increase sa pamasahe sa public utility jeepneys kon PUJs sa nasud!
Ang petisyon na-aprubahan human sa sunod-sunod nga pagdungog tali sa LTFRB, pipila ka mga transportation ug commuter group.
Gibutyag ni LTFRB Chairperson Teofilo Guadiz III nga epektibo ang fare increase karong Oktubre 8 sa ala 1:00 sa sayo sa buntag.
Giklaro pa sa opisyal nga provisional temporary lamang kini hangtud dili mo-ubos ang presyo sa mga produktong petrolyo.
Hisayran nga kasamtangang gipatuman karon ang 12 pesos nga minimum fare sa mga pampublikong jeep sa Pilipinas.
SOURCE: GMA NEWS
Photo: Philippine Star
