Usa ka sakop sa EOD team, patay human ma-igo sa secondary explosion sa NGCP Tower sa Barangay Paiton, Kauswagan Lanao Del Norte.

PATAY ang usa ka sakop sa Lanao Del Norte Provincial Explosive and K9-Unit human ma-igo sa ikaduhang bomba nga mibusikad sa NGCP Tower sa Barangay Paiton, Kauswagan Lanao Del Norte kaganiha sayo sa buntag!
Ang biktimang patay nailang si Police Sr. Master Sergeant Roselier Janta.
Matud ni PRO-10 Spokesperson Police Major Joanne Navarro nga nagpahigayon og clearing operation ang K9 Unit sa unang pagbusikad sa bomba sa maong lugare apan kalit na lamang nagbaton og secondary explosion hinungdan nga na-igo ang biktima.

“…base sa testimonya sa mga witness nagka engon kini nga aduna silay nadungog nga duha ka explosion noh og aduna poy usa ka hinay nga explosion nga ilang na dunggan og after sa maong explosion kay nawala dayon ang kuryente sa maong area, sa pag recieve sa atong kapulisan sa information nga adunay pag buto didto sa maong area nag conduct og pulis response ang atong kapulisan sa Lanao Del Norte Police Provincial Office, atong First Provincial Mobile Force Company, and kauban usab atoang Lanao Del Norte Provincial Explosive and K9-Unit, ug atoang counter part sa Philippine Army diin sa pag abot nila sa maong area nag conduct sila sa clearing operation and that around mga 5:30am kung diin hapit na sila mahuman sailahang procedure unfortunately ang isa nato ka kauban sa EOD Team nga si Police Sr. Master Sergeant Roselier Janta nakutluan sa iyang kinabuhi while performing job clearing sa maong area…”

Samtang nagpadayong ang post blast investigation aron masuta ang klase sa bomba nga gigamit sa wala pa mailang mga responsible.
Nanawagan usab ang opisyal sa katawhan nga motawag gilayon kung aduna’y mabantayang kadudahang lihok sa lugar aron masuta ang nagpaluyo sa krimen.

“…so padayon pa ang post blast investigation nga gipahigayon sa atong kapulisan sa karon nga panahon, importante kining post blast investigation para atoang masuta kung unsa nga klase sa materials ang gigamit sa pag pabuto sa maong area and of course to determine pud sa mga peronalities behind that explosion incident…”
PRO-10 Spokesperson Police Major Joanne Navarro.

SOURCE: SBPSH
Photo Source: Inquirer.net