Usa ka parking boy nga nakatulog sa dalan, patay human malatayi sa pick-up sa Chavez St, Cogon ning ciudad!

PATAY ang usa ka parking boy nga nakatulog sa dalan human malatayi sa usa ka Toyota Hilux sa Chavez St, Cogon ning ciudad!
Ang 12-anyos nga biktima, molupyo sa Barangay Iponan ning ciudad.
Matud ni Traffic Enforcement Unit kon TEU Officer-In-charge Police Master Sergeant Renante Santos nga base sa ilang inisyal nga imbestigasyon naghigda-higda lamang ang biktima uban ang kaubang parking boy apan posibleng nakatulog ang biktima hinungdan nga wala kini mabantayi sa nagpadulong nga sakayanan nga aduna’y karga nga mga utan.
Nadala pa sa balay-tambalanan ang biktima ug gisulayan pa pag-revived sa doctor apan nakabsan kini sa kinabuhi.
Gikabutyag sa driver nga habog ang sakyanan niini og ngitngit pa sa lugar hinungdan nga wala kini makabantay nga aduna’y bata nga naghigda sa dalan.
Sa karon naka-kostudiya na sa kapulisan ang 62-anyos nga driver nga usa ka vendor sa Cogon Public Market.

“.nakatulog ni siya sa kalsada kani siya wala siya nabantayo sa driver ngitngit mani siya nga bahin sa Chavez, higda siya natulog paglabay sa sakyanan mao gyud iyang pagkaligid gyud. Kalsada gyud siya gahigda. Matud pa sa uban kani sila bata murag ga sideline-sideline murag parking boy. Nag atang siguro ni siya diha kung naay mamarking then naabtan og kadlawon, nakatulog. Ang driver ang sakyanan niya habog siya nga klase nga pick up. Mag deliver sa iyang produkto gulay-gulay vendor japon sa Cogon…”
Traffic Enforcement Unit kon TEU Officer in-charge Police Master Sergeant Renante Santos

SOURCE: P.I #7
Photo: TEU OIC PMSGT RENANTE SANTOS