Usa ka pari Samar nga nalimbigit sa sexual abuse, gitantang ni Pope Francis sa pwesto!

GIKUMPIRMAR sa Catholic Bishops’ Conference of the Philippines kon CBCP nga gipalagpot ni Pope Francis ang usa ka pari nga nakabase sa Borongan, Eastern Samar!
Human gi-akusahan og sexual abuse sa mga menor de edad.
Gibutyag sa CBCP nga ulahing nagsilbi ang pari sa usa ka minor seminary sa maong lugar una kini gisuspenso sa diocese sa katungdanan isip clerical.
Gipagawas sa Dioceses sa Borongan ang Informationis Causa sa pagtangtang kang Father Pio Aclon ug pirmado ni Chancellor Fr. James Abella.
Gipadayag sa advisory nga kinahanglang basahon kini sa tanang simbahan, parokya, chaplaincy ug chapel sa diyosesis matag Dominggo aron masayran sa katawhan nga suspendido ang nahisgutang pari.
Gisiguro sa CBCP nga dili panalipdan ang mga kaso sa pagpangabusong sexual nga gikalambigitan sa mga Kaparian sa nasud.

SOURCE: RNT
Photo: OneNews.PH