Usa ka lalaki, gipusil patay sa wala mailang suspek sa Barangay Bugo ning ciudad Kagabii.

GIPUSIL-PATAY ang usa ka lalaki sa wala mailang suspek sa Zone 8 Sitio Sambag Barangay Bugo ning ciudad alas 11:00 Kagabii!
Ang biktimang 26-anyos giilang si Alvin Lugcohan residente sa nasangpit nga barangay.
Matud ni Barangay Bugo Kapitan Vic Talingting nga posibleng aduna’y dakong salaod nga nahimo sa biktima ngadto sa suspek hinungdan sa mi-resulta kini sa pagpamusil.
Nanawagan kini sa katawhan sa lugar nga mokoordinar sa kapulisan aron matumbok ang suspek sa krimen.

“…ou, alas 11 sa gabii nakadawat tag report nga naa daw gipusil didto sa Zone 8 dapit sa Sambag nga usa ka Alvin Lugcohan 26 anyos ni siya unya gipusil sa wala pa mailhi nga suspek unya walay swerte kay namatay gyud intawon, di man gyud ni pwede nga walay hinungdan, naa gyud ni hinungdan kay pusilon nga gale ka extreme na gyud na nga desisyon ning mamusil ka so naa gyud ni dako-dako nga hinungdan dili lang ni gamay, sa akong pagkabalo kaning bataa napud ni siyay ginagmay nga kalalis kaniadto pa pero dili ko mutoo nga mao lang ni ang hinungdan naa pa gyud siguro’y mas dako nga rason…”
Barangay Bugo Kapitan Vic Talingting.

SOURCE: PI. #27
Photo Source: SR LIVE