Upat (4) ka entities, nagpakita og interes sa pag-bidding sa NAIA rehabilitation project!
NAGPAKITA og interes ang upat (4) ka entities nga mobidding alang sa Ninoy Aquino International Airport kon NAIA rehabilitation project!
Gihimo kini nga komento ni Department of Transportation kon DOTr Assistant Secretary Leonel De Velez sa sidelines sa 5th Philippine Airport Modernization and Expansion Summit.
Una nang mihimo og unsolicited proposal sa pag-rehabilitate sa NAIA ang Manila International Airport Consortium nga gilangkuban sa unom ka Philippine conglomerates uban sa US-based partner sulod sa 25 ka tuig nga kontrata.
Apan gipili sa gobyerno ang usa ka solicited deal nga adunay concession period nga 15 ka tuig ug posibleng 10-year extension nga naka-angkla sa performance.
Gibuksan sa Public Private Partnership Center ang proseso sa bidding niadtong Agosto 23.
Gitinguhang ma-award ang 170.6 billion pesos nga contract karung tuiga tungod gikinahanglan nang ma-repair ang main gateway sa nasud.
Gikabutyag usab ni Velez nga susamang foreign ug local parties ang gi-imbitar sa pag-bid sa kontrata sa pag-rehabilitate, operate, optimize ug mintinar sa airport.
SOURCE:ABS-CBN NEWS
Photo: PortCalls
