Unom (6) ka high powered fire arms nakumpiskar atol sa engkwentro tali 38th infantry batallion ug CPP-NPA sa Brgy. Maitum, Tandag City Surigao del Sur.

NAKUMPISKAR ang unom (6) ka high powered fire arms sa engkwentro tali 38th Infantry Batallion ug CPP-NPA sa Brgy. Maitum, Tandag City Surigao del Sur kagahapong adlawa!
Lakip sa nakumpiskar ang usa (1) ka M-16 A1 rifle, bushmaster rifle, Stag A5 rifle, M653 rifle ug duha (2) ka R4 rifles.
Narekober usab sa tropa ang duha (2) ka anti-personnel mines lakip ang accessories, ug 30 ka backpacks.
Miabot sa 30 ka CPP-NPA ang na-engkwentro sa militar ug milungtad ang panagbangi sulod sa 30 ka minutos.
Gibutyag sa 4rth Infantry Division kon 4ID Philippine Army nga myembro sa Guerilla Front 30, Sub-Regional Committee Westland, North Eastern Mindanao Regional Committee nga gipanguluhan ni Joel Maca Mahinay ang 30 ka walhong grupo nga na-engkwentro.
Matud ni 4ID Philippine Army Spokesperson Major Francisco Garello Jr., nga wala’y natalang casualty o fatality sa tropa sa militar.
Apan dili mapiho kung adunay samaran sa grupo sa walhong grupo tungod dali kining naka-ikyas sa laing direksyon.

“…around 5:30 in the morning September 19, 2023 the 38th infantry batallion while conducting combat patrol encountered more or less 30 na CPP-NPA terrorist from the combined elements lead by North Eastern Mindanao Regional Committee Joel Maca Mahinay sa vicinity po yan ng Brgy. Maitum, Tandag City Surigao del Sur, the encountered resulted to the seizure of 6 high powered fire arms after a 30 minutes na fire-fight…”
4ID Philippine Army Spokesperson Major Francisco Garello Jr.

Samtang, nagpadayon ang hot pursuit operation sa militar sa 38th infantry batallion palibot sa encounter site.

SOURCE: #8/PIA
Photo Source: Philippine News Agency