Sugyot nga pahamtangan og mas bug-at nga silot ang mga nalambigit sa economic sabotage, gipapaspasan ni President Marcos Jr.

GIPAPASPASAN ni President Ferdinand Marcos Jr., sa House of Representative ang sugyot nga pahamtangan og mas bug-at nga silot ang mga nalambigit sa economic sabotage!
Sa sulat nga gipadala sa Presidente kang Senate President Juan Miguel Zubiri, gi-sertipikahan niini isip urgent ang Senate Bill 2432 nga nagtinguhang protektahan ang mga mag-uuma ug mangingisda batok sa mga mapahimudsanong negosyante ug importer.
Lakip na niini ang pagseguro nga ma-eksakto ang presyo sa mga produktong agrikultura.
Nalatid usab sa sugyot-balaodnon ang mas bug-at nga silot sa smuggling, hoarding, profiteering ug cartel sa mga agricultural ug fishery products.
Hisyaran nga tibuok kinabuhi nga pagpakabilanggo ug multa nga triple sa presyo sa gipangpalusot ug gipang-hoard nga produkto ang ipahamtang sa mga responsable.
Una niini, gikumpirmar ni Senate Committee on Agriculture, Food and Agrarian Reform Chair Senator Cynthia Villar nga na-alkanse na ang gobyero og 200-bilyones pesos matag tuig tungod sa smuggling.

SOURCE: RNT
Photo Source: The Manila Times