Pipila ka Senador mipalag sa planong test run sa PCSO aron himuong online ang pagtaya sa lotto.
MIPALAG ang pipila ka Senador sa plano sa Philippine Charity Sweepstakes Office o PCSO nga himuong online ang pagtaya sa lotto ug ang pagpahigayon og test run!
Dismayado si Senate Committee on Games and Amusement Vice Chair Senator Raffy Tulfo sa susamang pagbaliwala sa buhatan sa kaayohan sa mga nagtrabaho sa lotto outlet.
Apan, giklaru sa PCSO nga wala kini planong I-phase out ang mga lotto outlet.
Giinsister ni Senator Aquilino “Koko” Pimentel nga sayop ang pagsabot sa PCSO sa digitalization, tungod dili kabahin ang pag-promote sa sugal online.
Matud ni PCSO Executive Assistant Vl Atty. Maria Katrina Contacto nga dili mahibal-an ang impact sa pagtaya sa lotto online kung dili magpahigayon og test run.
SOURCE: GMA NEWS
Photo Source: CONTEXT.PH
