Pipila ka mga kompanya sa de-lata nga karne ug sardinas, nagpadayon sa pagpataas og presyo.

TALIWALA sa apelar sa gobyerno nga hunongon una ang pag-usbaw sa presyo, nagpadayon gihapon ang pagtaas sa presyo sa pipila ka mga basic commodity nga dili sakop sa suggested retail price kon SRP!
Lakip ang usa ka brand sa sardinas nga mi-abisong mag-usbaw og presyo hangtud 3 percent samtang ang produkto sa tuna motaas og 4 ngadto 5 percent.
Base sa monitoring sa supermarkert ownes nga bisan mihinay, nagpadayon ang pagtaas sa mga palaliton ug dili kini angay’ng pugngan.
Matud ni Philippine Amalgamated Supermarkets Association President Steven Cua nga dili makontrolar ug mapugos ang mga kompanya nga dili mag-usbaw og presyo tungod aduna kini gasuholan nga mga empleyado, pamilya sa mga trabahante, buhis nga bayaran, ug kuryenteng gikinahanglang bayaran.
Una nang mihangyo ang Department of Trade and Industry kon DTI sa manufacturers nga dili magtaas og presyo hangtud sa katapusan ning tuig apan wala pa’y desisyon ang mga manufacturer sa de-lata’ng karne ug sardinas.

SOURCE: ABS-CBN NEWS
Photo Source: PROVIDENT PREPPER