Personal remittances sa OFW, misaka!

MISAKA sa 2.5 percent ang personal remittances gikan sa Overseas Filipino Workers kon OFW!
Base sa natala sa Bangko Sentral ng Pilipinas kon BSP nga anaa sa 3.32 billion Dollars niadtong Hulyo itandi sa 3.24 billion dollars sa susamang quarter sa milabay’ng tuig.
Gikabutyag sa BSP nga gikan kini sa inbound money transfers sa land-based ug sea-based OFWs.
Mikabat usab sa 20.91 billion dollars ang total inflows sa unang pito ka bulan ning tuiga o 2.9 percent nga mas taas itandi sa 20.33 billion dollars niadtong January to July 2022 period.
Hisayran nga ang Estados Unidos, ang aduna’y pinaka dakong kontribusyon sa Philippine-Bound remittances niadtong Hulyo, gisundan sa Singapore, Saudi Arabia ug Japan.

SOURCE: RNT
Photo: Philippine Star