Pagbantay sa nagkalain-laing coastal road sa ciudad, gipahugtan aron mabantayan ang giingong naghitak nga tulis sa lugar
GIPAHUGTAN karon sa kapulisan ang pagbantay sa nagkalain-laing coastal road sa ciudad!
Human gibutyag nga hinay-hinay na usab mibalik ang mga tulisan sa lugar partikular na panahon sa kagabin-on.
Matud ni COCPO Spokesperson Police Lt. Col. Evan Viñas nga taliwala nga wala pa kini nadawat nga report apan hugtanong gimando sa kapulisan nga na-assign sa lugar nga 24/7 ang monitoring aron wala na’y mabiktima nga mga indibidwal.
Giklaro pa niini nga padayon pa usab gi-verify ang nadawat nga report aron masiguro nga madakpan ang mga responsible sa maong krimen.
“..magpahigayon og police presence, mobile patrol diha sa maong area labi na sa coastal road padulong sa area sa Gusa. Naa diha atong pagpahigayon og routine check, mobile patrolling ug police presence. Sa Rio boulevard naa gihapon COCPO police station 5, station 1 naa man atong personahe diha…”
COCPO Spokesperson Police Lt. Col. Evan Viñas
SOURCE: PI #7
Photo: Cagayan de Oro Today
