Natala’ng counterfeit goods nga nakumpiskar misaka sa Sityembre.

MISAKA ang counterfeited goods o mga peke’ng produkto nga natala sa Sityembre!
Base sa report nga nadawat sa Intellectual Property Office of the Philippines kon IPOPHL nga misaka ang counterfeiting sa pagsugod sa “ber” months ning tuig kon itandi sa miaging mga bulan.
Makita sa datos nga gikan sa September 1 ngadto September 28, nakadawat ang buhatan og 21 ka report sa counterfeit goods.
Mas taas kon itandi sa monthly reports gikan sa Enero hangtud Agosto ning tuig, diin wala miabot sa 13.
Nakumpiskar sa gobyerno ang balor 22.5 billion pesos nga counterfeit goods gikan sa Enero hangtud Hulyo ning tuig mas taas kon itandi sa mga nakumpiskar sa tibuok tuig niadtong 2022 nga ana-a lamang sa 9.5 billion pesos.
Gibutyag ni IPOPHL Assistant Secretary Christine Pangilinan-Canlapan nga matag panahon sa pasko gamonitor kini sa mga merkado.

SOURCE: ABS-CBN NEWS
Photo Source: INQUIRER