Motorsiklista patay, ug laing duha samaran sa nahitabong giingong hit-and-run sa Upper Sumpong, Brgy. Indahag ning ciudad.

PATAY ang usa ka motorsiklista sa nahitabong giingong hit-and-run sa Upper Sumpong, Brgy. Indahag ning ciudad kagahapong adlawa!
Ang biktima’ng namatay giilang si Celo Banaag, 62-anyos, menyo ug residente sa Upper Balulang, ug ang backrider nga si Jocelyn Banaag 53-anyos asawa sa namatay.
Giila usab ang bata nga nadamay sa insidente nga si Dave Benlot, 12-anyos ug residente sa Buntong, Brgy. Camaman-an.
Base sa initial nga imbestigasyon sa Kapulisan nga naglatas ang duha ka motorsiklo sa portion sa Upper Sumpong ug giingong nabanggaan sa wala mailang driver ang likod nga bahin sa motor nga gisakyan sa mga biktima hinungdan nga nawad-an og control ug mibangga kini sa punoan sa nangka.
Gibutyag usab nga nakabangga og pedestrian ang wala mailang driver nga nagbaklay sa nasangpit nga dalan.
Naka-angkon og nagkalain-laing injury sa lawas ang asawa sa namatay ug ang pedestrian.
Matud ni Traffic Investigator Patrolman Frederick Von Cajuelan nga mag-atubang sa kasong reckless imprudence resulting to homicide ug multiple physical injury and damage to property ang suspek nga misibat.

“…ang motorsiklo nag travers sa decending part nga road sa Upper Sumpong, Brgy. Indahag nga nag sunod ni si B2 kay B1, alledgedly atubangan ni B2 katong atong identified driver iyang na bump ang rear portion sa motorsiklo ni Mr. Banaag mao tong hinungdan nga na lose control ug niigo ni siya sa punuan sa nangka sa kilid sa dalan, moreover ang driver alledgedly naka igo pud ni siya’g bata didto sa maong lugar…”
Traffic Investigator Patrolman Frederick Von Cajuelan.

SOURCE:SRLIVE
Photo Source: TEU