Mikabat na sa pito ka panimalay, gilamoy sa kalayo sa District 6 Puntod ning ciudad!
ANAA sa pito ka panimalay ang gilamoy sa kalayo sa District 6 Puntod ning ciudad!
Ang panimalay gipanag-iyahan sa pamilyang Abot ug Gumera.
Matud ni Barangay Kagawad Anniejoy Amarga nga padayong gisuta karon ang laing pangalan sa mga nanag-iya sa panimalay.
Giklaro pa nini nga gama lamang sa light materials ang mga panimalay sa lugar hinungdan nga dali kining mikatag.
“..daghan-daghan na ang balay ang naapektuhan tungod sa usa ka household daghan pamilya namuyo. Nagkatay-katay kay light material ang balay. Duol sa chapel sa Santo Ni帽o beside siya sa gamay nga eskinita pasulod mao na ang area nagsugos ang sunog sa Gumera family..”
Barangay Kagawad Anniejoy Amarga
Samtang, gibutyag ni Barangay Puntod Kapitan Rexie Tinampay nga gi-andam na ang hinabang alang sa mga nasunogan sa barangay.
Matud ni Kapitan Tinampay nga ubay-ubay ka pamilya ang matunolan sa hinabang.
“..mag ready ta sa mga hinabang para sa nasunogan. Mapasalamaton ta sa mga katawhan nga nagbayanihan gyud relay sa tubig kay medyo nakatabang to siya..”
Barangay Puntod Kapitan Rexie Tinampay
SOURCE: #28
Photo: SR Files
