Mga resprensentante sa Socorro Bayanihan Services Inc, ipatawag sa Senado alang sa pagdungog!

IPATAWAG sa Senado ang mga resprensentante sa Socorro Bayanihan Services Inc. Kon SBSI alang sa pagdungog!
Human mikatag ang alegasyon sa pagpangabuso, child marriage ug illegal nga droga sa nahisgutang pundok.
Mismong si Surigao del Norte Police Provincial Director Police Col. Laudermer Laude ang midalikyat sa Sitio Kapihan sa SBSI aron mapaabot ang imbitasyon sa Senate hearing karong Setyembre 28 ning tuiga.
Apan gipadayag sa leader sa SBSI nga si Jey Rence Quilario o mas nailang si Senior Agila nga mas maayong sa Sitio Kapihan ipahigayon ang pagdungog.
Hinuon wala pa’y tubag si Senator Risa Hontiveros, kinsang nagsumiter sa Senate Resolution 797 nga nanawagan sa Committee on Women, Children, Family Relations and Gender Equality nga imbestigaran ang mga kasong sexual abuse batok sa giingong kulto.

SOURCE: RNT
Photo: NewsKo