Mga atleta sa Pilipinas, gihatagan og send-off alang sa kampanya sa 19th Asian Games ug sa 4th Asian Para Games sa Hangzhou China!
GIHATAGAN sa Philippine Sports Commission kon PSC og send-off ang mga atleta sa Team Philippines alang sa kampanya sa 19th Asian Games ug sa 4th Asian Para Games sa Hangzhou China!
Gipangulohan ni PSC Chairman Richard Bachmann ang nahisgutang event nga gipahigayon kaganiha sa Philippine International Convention Center kon PICC Reception Hall sa Pasay City.
Gidapit ni Bachmann si Executive Secretary Lucas Bersamin lakip na ang mga opisyales sa Philippine Olympic Committee kon POC, Philippine Paralympics Committee kon PPC ug National Sports Associations ingon man si Team Philippines Chef de Mission Richard Gomez.
Hisyaran nga magsugod ang Hangzhou Asiad sa Setyembre 23 ug matapos sa Oktubre 8 sundan gilayon sa 4th Asian Para Games karong Oktubre 22 ngadto sa 28 ning tuiga.
Dumduman nga nakab-ot kaniadto sa mga Pinoy athletes ang upat ka bulawang medalya, duha ka silver ug 15 ka bronze medal sa milabay’ng Asian Games sa Indonesia niadtong tuig 2018.
SOURCE: PHILSTAR
Photo: The Manila Times
