Mayor Uy, nagpagawas og Executive Order sa pag-obserbar sa Minimum Health Protocols sa tanang pampublikong lugar.
NAGPAGAWAS og Executive Order si Mayor Rolando Uy aron ma-obserbar ang minimum health protocols sa tanang pampublikong lugar ug transportasyon sa dakbayan!
Kini human gikabalak-ang aduna’y mga tinun-an sa usa ka pribadong tunghaan nga dungan nga nagsakit.
Matud ni CHO Head Dr. Rachel Dilla nga tumong lamang sa kamandoan sa Mayor nga makalikay ang katawhan sa influenza like illness nga mikatag karon sa pipila ka bahin sa barangay ug sa tunghaan sa ciudad.
Giklaro pa niini nga batasanon ang pag-hugas kanunay sa kamot ug limpyo sa palibot ingon man ang kanunay nga pagsuot og facemask sa mga pampublikong lugar.
“…ang atong Mayor siya gyud ang nag initiate nga mapahibalo gyud sa kadaghanan through his Executive Order encouraging everyone to wear face mask specially sa mga vulnerable nga population, ang mga senior citizen, mga buntis, katong dunay mga comorbidities aron nga malikayan gyud ang taas kaayo nato nga incident sa mga viral infections, ang atong influenza virus medyo mi taas maong taas kaayo atong mga flu sa Cagayan de Oro so mao na nga gihangyo ang tanan ug gi encourage to really wear their face mask…”
CHO Head Dr. Rachel Dilla.
SOURCE: SBPSH
Photo Source: CIO
