Mayor Uy, mapasalamaton sa pagdonar sa mga tribu sa luna nga tokuran sa Cagayan de Oro City College sa Dansolihon ning ciudad.

LIBOAN ka mga tinun-an sa kolehiyo ang gitakdang makapahimulos sa katukuran sa Cagayan de Oro City College sa Dansolihon ning ciudad! Human sa gipahigayong signing sa contract of Usufruct tali sa tribu nga nanag-iya sa luna ug sa lokal nga pangagamhanan uban ang pipila ka ahensya sa gobyerno sa rehiyon. Matud ni Mayor Rolando “Klarex” Uy nga dako kini og tabang ilabina sa mga kabatan-onan nga buot molampus sa pag-skwela nga wala’y ikagasto ang ginikanan. Giklaro pa sa mayor nga libre ang maong tunghaan ug bukas kini alang sa tanan nga buot motungha. Mapasalamaton usab ang Local chief executive sa mga residente nga mi-kooperar kanila ilabina ang pagdonar sa luna nga mao’y tukoran sa nahisgutang pasilidad.

“…gihatag nila ni sa dakbayan aron matukuran nato sa City College…, ang ako lang nga ang pag gunit gyud sa yuta pahinungdan gyud nato nga subay pud sa tribal o sa tribu, ang gusto lang mo eskwela noh kay ang ato open mani abli ni sa mga kabataan…”
Mayor Rolando “Klarex” Uy

Source: SR LIVE
Photo Source: Cagayan de Oro City Information Office FB Page