Mayor Oscar Moreno nanghinaot og bag-ong liderato alang sa Brgy. Carmen ning ciudad.

“GIKINAHANGLAN ang bag-ong liderato ” !
Kini ang giluwatang pamahayag ni former Mayor Oscar Moreno alang sa Brgy. Carmen ning ciudad.
Gipamugos sa kanhing Mayor nga mahinungdanon ang professional ug systematic nga pagdumala.
Matud ni Moreno nga daghan pa ang angay’ng I-improve sa Brgy. Carmen.
Gikasubo sa former official ang huyang nga pagpasulod og investment sa Carmen tungod kini ang pinakadakong barangay sa dakbayan.
Gikumpirmar usab ni Moreno ang suporta kang Agapito” Jun” Suan Jr. nga modagan isip Brgy. Kapitan sa Barangay Carmen.

“…it’s the biggest and it should be the best, bag-o nga liderato ang kinahanglan, kay daghan atong nahimu dinhi sa Carmen sa 9 years nga pag pangalagad, wala na ang dumpsites sarado na, JR Borja plastado na, and many others so everything is already in place ang kinahanglan nalang karon kanang basic social services gyud noh aron matagamtaman sa katawhan sa Barangay Carmen…”
Former Mayor Oscar Moreno.

Samtang una nang namahayag si Barangay Kapitan aspiring candidate ug Former Vice Mayor Joaquin “Kikang” Uy nga katungod sa matag-indibidwal ang mopili sa suportaran nga kandidato.

“…natural mana siya, katungod mana sa usa ka tao bisan pag former mayor or a simple citizen, natural mana matag-usa adunay pagtoo sa iyang gitoohan nga kandidato nga maka sulbad or maoy makatubag sa mga panginahanglanon sa katawhan so ato lang ng respetohon kay matag-usa aduna may katungod sa pagpili sa iyang kadidato…”
Barangay Kapitan aspiring candidate ug Former Vice Mayor Joaquin “Kikang” Uy.

SOURCE:#27
Photo Source: SUNSTAR