Magbabalaod, nagpasidaan kalabot sa proposed 2024 budget sa National Food Authority!
NAGPASIDAAN ang legislature kalabot sa proposed 2024 budget sa National Food Authority kon NFA!
Gibutyag ni Senate Committee on Agriculture and Food Chair Senator Cynthia Villar nga gikabalak-an karon ang budget sa National Food Authority kon NFA human pakyas nga napalit sa ahensya ang mga baratong bugas sa mga local farmers.
Gipadayag sa magbabalaod nga nahibulong kini nga wala gipalit sa NFA ang gibaligya sa mga mag-uuma sa kantidad nga 18 pesos matag kilo nga humay nga mahimong mabaligya sa 25 pesos matag kilo sa Kadiwa store ug sa kamerkadohan.
Samtang subling giklaro ni Villar nga dili mandato sa NFA ang mopalit og imported rice tungod aduna’y mga baratong humay sa mga mag-uuma sa Pilipinas.
Giklaro ni Villar nga hatagan niini og zero budget ang NFA kung dili makahatag ug katin-awan sa wala pagsuporta sa mga local farmers sa nasud.
SOURCE: PIA
Photo: Abante
