Land Bank of the Philippines, naghulat na lamang sa pag-exempt sa COMELEC sa fuel subsidies una ipadayon ang distribusyon.

GIHULATAN na lamang sa Land Bank of the Philippines ang pag-exempt sa COMELEC sa pagtunol sa fuel subsidies!
Kini human gikabalak-an nga mabalda ang pagpang apod-apod sa cash assistance alang sa PUV operators tungod sa Money Ban sa Comelec.
Gibutyag sa maong bangko nga nakigkoordinar na ang buhatan sa Land Transportation Franchising and Regulatory Board kon LTFRB aron mapahingusgan ang pag-exempt sa fuel subsidy program alang sa mga driver sa pampublikong sakyanan sa nasud.
Giklaro pa sa LandBank nga andam na ang mga pundo sa pagtunol.
Dumduman nga gi-aprubahan sa Department of Budget and Management kon DBM niadtong Setyembre 8 ang pagpagawas sa 3-billion pesos nga kantidad sa pondo alang sa programa.

SOURCE: PHILSTAR
Photo Source: PHILSTAR