Kapulisan miklarung wala’y foul play sa kamatayon sa 23-anyos nga babaye nga gituohang giluthang-patay sa Brgy. Indahag ning ciudad!
GIKLARU sa Police Station 2 Cogon nga wala’y foul play sa kamatayon sa 23-anyos nga babaye nga gituohang gipusil-patay sa Sitio Moloypoloy, Brgy. Indahag ning ciudad Kagahapon!
Biktima giila’ng si Leana Angela Elango ug residente sa usa ka subdivision sa nasangpit nga brgy.
Base sa initial nga imbestigasyon suicidal ang nahitabo human narekober sulod sa sakyanan ang calibre 45 nga armas, ug depression letter.
Matud ni Police Station 2 Cogon Commander Police Major Sebastian Chua nga gigamit sa biktima ang armas sa pagpusil sa kaugalingong ulo hinungdan nga milapos ang bala sa bintana sa driver seat sa sakyanan.
“..naa tay na-recover nga firearms naa say letter of depression so gipabasa sa ato gi state nga gikapoy na intawn siya. Naa siya’y previous nga attempt before…”
Police Station 2 Cogon Commander Police Major Sebastian Chua
Hisayran nga giingong alas 2 sa hapon nabantayan sa mga residente sa lugar nga nakaparking ang sakyanan sa biktima ug alas 4:30 sa hapon nasuta ug nareport sa Kapulisan.
SOURCE: SRLIVE
Photo: SR Files
