Kahimtang sa 722 Units sa Pahirun Barangay Lumbia, gituki sa Session sa City Council!
GI-Special report ni Councilor Malvern “Bitok-Bitok” Esparcia atol sa 54th Regular Session sa 20th City Council ang 722 nga Housing Unit sa Pahirun Barangay Lumbia ning ciudad nga wala nagamit!
Matud ni Councilor Esparcia nga nakurat sa pagbisita sa lugar nga aduna’y mga units nga guba na ug giingong wala gipuy-an.,
Giklaro subay sa pagsuta niini nga dul-ag 200 lamang ang okupado nga units.
“…kung ila jung kwentahon ang physically nga gapuyo ani nga balaya naa sa almost 200, gitawag ni og 722 kay 722 ka housing. Ang mga unit buak ang mga bintana, puno nag sagbot ang uban sagbot nanulod na sa balay so technically wala gyuy namuyo lahi tong naay balay pero sirad an lang kay murag naay caretaker kani wala gyud abri ang door, nangabuak ang bintana so open gyud siya wala gyuy nag occupy…”
Councilor Malvern “Bitok-Bitok” Esparcia
Samtang giklaro ni Majority Floor Leader Councilor Edgar Cabanlas nga wala pa na-turn over ang kinatibok-ang 722 nga housing units sa lugar.
Matud ni Councilor Cabanlas nga base sa gihuptang dokumento 211 lamang ka units ang na-turn over gikan sa nag-donar.
Giklaro pa niini nga adun apa’y pipila ka units ang wala matukod.
“…kaniadto pa na problema diha sa tubig mao na nabutangan sa tubig katong 200 plus nga tagaan sa mga balay nahimo. Dunay 722 unya 200 ray natagaan ang 500 nawala..”
Majority Floor Leader Councilor Edgar Cabanlas
SOURCE: #27
Photo: CdeO City Council
