Iladong Iraqi Toktoker, patay human gipusil sa Baghdad.

PATAY ang usa ka iladong Iraqi Toktoker human gipusil sa Baghdad!
Ang biktimang myembro sa LGBTQ naila sa social media isip Noor BM Alsaffar kinsang aduna’y 370,000 nga followers sa Instagram ug TikTok.
Gibutyag ni Iraqi Police Spokesperson Khaled Almehna nga gihulagway kini isip “criminal incident” ilabina nga subay sa inisyal nga imbestigasyon nakadawat na og mga death threat ang biktima tungod sa mga videos nga gihimo niini online.
Migawas usab sa imbestigasyon nga daghan wala mahimoot sa su-ot niini nga pangbabaye ug pag-make up niini atubang sa camera hinungdan nga nakadawat kini og mga hulga.
Una nang gibutyag ni Alsaffar sa usa ka video niini nga nag-atubang kini sa nagkalain-laing death threat tungod sa pagpanamit niini.

SOURCE: CNN
Photo Source: CNN