Gituohang bomba nakumpiskar sa usa ka ukay-ukay stall sa Brgy. Villa Verde, Iligan City.
NAGPADAYON ang imbestigasyon sa Iligan City Police Office kon ICPO kalabot sa nakumpiskar nga gituohang explosive device sa usa ka ukay-ukay stall sa Brgy. Villa Verde!
Base sa initial nga imbestigasyon usa ka concerned citizen ang mitawag kalabot sa usa ka abandoned back pack bag, ug girespondehan kini sa Iligan City Police Station 5 ug gilayong gi-cordoned ang area.
Nagpahigayon ang Iligan City Explosive and Canine Unit kon CECU og lima (5) ngadto 25 ka panelling search nga miresulta sa pagkumpiskar sa upat (4) ka containers sa main charge nga adunay sulod nga gituohang ANFO, usa (1) ka two way handheld radio ug tulo (3) ka analog/keypad cellphones, usa (1) ka nails enhancer, rocker switch, blower ug wires.
Matud ni Iligan City Police Office Information Officer Police Major Zandrex Panulong nga water disruptor ang nadungog nga buto sa katawhan aron sa pagguba sa components nga ana-a sulod sa gi-abandonar nga bag.
“…sa naay ukay-ukayan naay gibilin daw didto, ang SOP ana is of course ang K9, gipasimhot didto then na determine man sa K9, of course ilang gipabuto kay dili man pwede abrehan o kamuton, ang K9 ni identify siya nga naay something sa bag mao tong gipabuto…”
Iligan City Police Office Information Officer Police Major Zandrex Panulong.
SOURCE:PATRICKTABLON
Photo Source: Lumad Iliganon
