Duha ka tawo, patay ug lima ang samaran human na-disgrasya ang school bus sa New York.
PATAY ang duha (2) ka tawo ug lima (5) ang samaran human na-disgrasya ang school bus sa New York!
Base sa initial nga imbestigasyon sa kapulisan nga nagbaton og problema sa unahang ligid sa bus hinungdan nga kalit kining mibuto ug na-overshoot nga miresulta sa pagka-balintong sa bus.
Giingong lakip sa namatay ang 43 anyos nga tour guide sa mga tinun-an nga si Gina Pilletiere ug ang 77-anyos nga school music teacher nga si Beatrice Ferarri.
Hisayran nga padulong sa band camp event ang kapi’g 44 ka mga tinun-an dihang natigayon ang insidente.
Samtang posibleng madugangan pa ang ihap sa mga namatay tungod pabiling anaa sa talandugong kahimtang ang nasamdan sa insidente.
SOURCE: BBC
Photo Source: Penn Live
