DFA, mikumpirmar nga wala pa’y nadawat nga report nga aduna’y Pinoy nga apektado sa kusog nga linog sa Morocco!
GIKUMPIRMAR sa Department of Foreign Affairs kon DFA nga wala pa’y nadawat nga report nga aduna’y Pinoy nga apektado sa kusog nga linog sa Morocco!
Gikabutyag ni DFA Assistant Secretary Raymund Cortes nga kasamtangang anaa sa 4,600 ka mga Pinoy ang nanimoyo sa Morocco samtang 50 usab ang anaa sa Marrakech o sa lugar diin mihapak ang 6.8 nga linog.
Giklaro pa sa opisyal nga padayong nakigkoordinar ang embahada sa Pilipinas ug Labor attaché sa mga Filipino Community aron masiguro nga anaa kini sa luwas nga kahimtang.
Samtang gipadayag sa kalihim nga wala’y ipahigayon nga force evacuation lugar.
Una niini, gikumpirmar sa Department of Migrant Worker kon DMW nga andam ang pondo alang sa mga OFW nga naa sa Morocco panahon kung mangayo og assistance.
SOURCE: SMNI
Photo: Global News – Inquirer.net
