Death Toll sa paglampurnas ni Storm Daniel sa Eastern Libya, misaka na sa kapi’g 5,300!
KAPI’G 5,300 na ka tawo ang gituhu-ang patay human milampurnas ang Storm Daniel sa eastern Libya niadtong milabay’ng adlaw!
Gikabutyag ni Libya’s Eastern Administration Minister Hisham Chkiouat nga gipang dump na lamang ang dinosenang patay kilid sa kadagatan tungod sa kadaghan sa patay.
Gipadayag pa niini nga nagpadayon pa ang search operation sa mga gambalay nga nahugno tungod sa bul-og sa tubig nga mihapak atol sa dungan nga pagbuto sa duha ka dam sa Derna.
Samtang gawas sa patay mikabat usab sa 10-mil ka tawo ang pabiling missing ug 30-mil ang anaa sa shelter sa United Nations International Organization for Migration kon IOM sa Libya.
Tungod niini, nanawagan ang Libya’s Government sa silingang nasud og tabang ilabina ang pagpahigayon og search operation aron hingpit nga makit-an ang liboan nga missing karong panahona.
SOURCE: BBC
Photo: Al Jazeera
