DBM gi-aprobahan ang 705-million pesos nga budget alang sa active transport project sa DOTr.

APROBADO sa Deparment of Budget and Management kon DBM ang pagpagawas sa 705-million pesos alang sa active transport project sa Department of Transportation kon DOTr!
Sa statement sa DBM, gipirmahan ni Budget Secretary Amenah Pangandaman ang issuance sa 705-million Special Allotment Release Order kon SARO alang sa DOTr.
Gamiton ang kantidad sa pagpatuman sa Active Transport Bike Share System and Safe Pathways Program sa Metropolitan Areas.
Ubos sa Special Provision kon SP No. 8, ang gigahin nga kantidad gamiton sa pagtukod og protected bike lanes, procure bike racks, pagpalambo sa end-of-trip cycling infrastructure, pagtukod og luwas ug accessible nga pedestrian pathways ug sidewalks, ug pag-upgrade sa kasamtangang pop-up bike lane ngadto sa permanent bike lane.
Hisayran nga nagtinguha ang DOTr nga makatukod og 2,400 ka kilometros nga bike lanes sa 2028 aron mahatagan og safe infrastructure alang sa cyclists, commuters ug uban pang road users.

SOURCE: GMA NEWS
Photo Source: THE PINOY OFW