CUMVA, namugos nga angayang makadawat og ayuda sa gobyerno ang tanang myembro sa assosasyon!
GIPAMUGOS sa Cogon United Market Vendor Association kon CUMVA nga angayang makadawat sa ayuda ang tanang myembro nga apektado sa Rice Price Cap!
Human usa lamang ka myembro ang nakadawat kagahapong adlawa atol sa paggahin sa 15-thousand pesos nga cash assistance sa gobyerno.
Matud ni CUMVA President Franklin Dagcuta nga apektado na ang asosasyon tungod na alkansi na mga gagmay’ng rice retailer sa pipila ka adlaw na nga pagpatuman sa Executive Order No 39.
Giklaro pa niini nga naglaum kini nga unta ma-release na karong adlawa ang ayuda.
“..among pagtu-o nga kanang tuloy-tuloy na gahapon ang pag-release. So namauli nami kay among nahibaw-an kato rang upat amo untang ihangyo nga kung mahimo madali-dali ang ayuda kay taud-taud n baya mi nanga-alkanse sa among baligya. Mobalik ta sa city hall kay basin diay kay kinanghanon gyud namo ang ayuda nga ginasaad sa amo..”
CUMVA President Franklin Dagcuta
Samtang gipamugos pa sa opisyal nga nakurat kini nga usa lamang ka vendor ang natunolan kagahapon hinungdan nga nangayo kini og kantin-awan sa DSWD-10.
“…ang Cogon man unta ang una nila gi check up og nag profiling abi man namo nga tuloy-tuloy nato matagaan kagahapon ang sa Cogon unya isa ra ila gihatagan sa Cogon Market. Ang mga myembro nagreklamo diri sa ako ngano wala mataga-i gahapon nga isa ra kabuok tagaan nila. Akong gireklamo sa DSWD, ila ra daw to gi-testingan pag release kung sa usa ka tao i proseso pila ka minuto kaunon, ang plano sa ilang pamaagi posible ilang utro aron mas paspas ang pagrelease…”
CUMVA President Franklin Dagcuta
SOURCE: GMCDO
Photo: 90.3 Strong Radio Live
