Councilor Cabanlas ug Councilor Judith nagkainitay atol sa session kagahapong adlawa!
MISAKA ang tensyon tali nilang Councilor Atty. James Judith ug Councilor Atty. Edgar Cabanlas atol sa regular session kagahapong adlawa!
Kalabot sa reklamo batok sa JR. Borja General Hospital.
Matud ni Councilor Cabanlas nga gikinahanglang kuhaon usab ni Councilor Judith ang side sa hospital aron dili madaot ang reputasyon.
Kinahanglang mangutana una dal-on sa konseho aron dili mabutang sa huna-huna sa katawhan nga wala nay kapas ang JR. Borja Hospital sa paghatag og tambal.
“…palit kag tambal sa gawas balor usa ka libo ingon dayun nimo ang hospital nga dautan. Ing ana gani pangutana sa ayaw sa og diritso-diritso..”
Councilor Atty. Edgar Cabanlas
Samtang, gipamugos ni Councilor Judith nga gidala kini sa konseho aron mahatagan og solusyon ug dili sa pagdaot sa reputasyon sa nasangpit nga hospital.
“…dili pwede nga tutok na lang ko madam chair sa kining ginagmay nga butang. Ako dili ko modala kung naay problema o issue kung wala nasuta akong gipa imbistigahan. Naa tay pasyente nga nailhan nga nabuntosan sa gasto mao tong nagreklamo sila pero walay mahimo. Ako ang nagsilbi nagtindog para kanila wala nagpasabot nga dili na lang pwede ang modala sa konseho kabahin ani nga butang. Dili buot pasabot nga magpakahilom nalang ako pwede nga sakto ko, pwede ko sayop pero ang importante gihimo ko ang akong kaakuhan nga ibungat kini nga problema dinhi sa konseho kay kita man ang pinili sa katawhan..”
Councilor James Judith
Apan, wala maka-uyon si Councilor Cabanlas sa nahimong tubag ni Councilor Judith hinungdan nga mitaas ang tingog sa konsehal.
“…mura man og ikaw ra kabalog atiman sa mga tao. You are not ordinary human being here you are a city councilor you must be responsible what you are saying here. It is also my right to remind you Councilor Judith nga be fair. You give the names of these people that you mention nga wala ma atiman please verify that one by one..”
Councilor Atty. Edgar Cabanlas
SOURCE: CDEOCITYCOUNCIL
Photo: CdeO City Council
