CHUDD miklaru nga 509 lamang ka units ang kinatibuk-ang tukoron sa Pahiron Lumbia ning ciudad!
GIKLARO sa City Urban Development Department kon CHUDD nga 509 lamang sa units ang tukoron sa Pahiron Lumbia ning ciudad!
Sukwahi sa migawas nga report nga 722 ka housing units ang natukod alang sa mga benepisyaryo sa mga biktima sa bagyong Sendong.
Matud ni CHUDD Head Atty. Samuel Rollo nga sa 509 nga units 225 lamang ang na-turn over gikan sa contractor ug kasamtang I-construct pa ang laing kapi’g 200 ka units.
Giklaro pa niini nga wala gipangbyaan sa mga benepisyaryo ina’y nga wala pa lamang naturn-over hinungdan nga wala’y nagpuyo sa lugar ug pipila niini nanguba tungod wala napadayon sa contractor ang pagtukod tungod sa pandemic.
“…kanang 722 diha sa Pahiron ang naa ra gyud diha kay 509 unit, kay ang 186 sa Camaman-an, dayon ang 27 didto sa Balubal, so ang naa diha sa Pajeron nga atong makita 509 unit rana siya, kanang 509 naa na gyud na siyay benificiaries pero sa 509 kung nahibaw-an ninyo 225 unit pa ang na turn-over ana gikan sa contractor naay difference nga 284 nga wala pa nila na turn-over and on going construction, naa moy makita didto nga finish unit pero wala pana, wala pana na turn-over sa city…”
CHUDD Head Atty. Samuel Rollo.
SOURCE: SH&V
Photo Source: CHUDD Facebook Page
