Bikil, gituhuang angolo sa pagpangluba-patay sa usa ka habal-habal driver sa Barangay Kimaya Jasaan Misamis Oriental.

BIKIL ang usa sa gituhuang angolo sa pagpangluba-patay sa usa ka habal-habal driver sa Sitio Pedro Barangay Kimaya Jasaan Misamis Oriental kaganiha sa buntag!
Ang 48-anyos nga biktima nailang si Celso Labial, residente sa nahisgutang lugar samtang ang suspek nailang si Epifanio Soltanis, 53-anyos.
Matud ni Jasaan Municipal Police Station Investigator Police Chief Master Sergeant Alexander Macaindig nga naglalis pa ang biktima ug suspek kalabot sa lisensya.
Mi-uli pa ang suspek sa panimalay niini apan mibalik kini og subling nakalalis hinungdan nadungaban si Labial.
Naka-angkon sa samad-dinungaban ang biktima sa dughan hinungdan dead on arrival kining nahidangat sa balay-tambalanan.
Sa karon naka-kustudiya na sa kapulisan ang suspek human boluntaryong mitahan sa kapulisan kaganiha sa buntag.

“…puros rani sila habal-habal driver nagkabikil sila bahin sa mga lisensya, nagtubag ni sila sa biktima og kalit lang niuli ning suspek sailang balay, tapos nag tubag napud ni sila gapamugos maning suspek iyang gi-ingnan kining biktima nga unsa man gadumot ka nako nikuha siyag kutsilyo ug nasangit iyang tiil sa iyang motor mao tong naka lingkod siya ug gidagan siya sa suspek ug gidunggab, naigo siya sa wala nga dughan mao tong pag abot sa hospital gi revive pero at around 6:50 gi-delcare sa attending physician nga dead on arrival siya, uppon sa atong pag recieve sa report ato dayong giadtuan ang area then mi-surrender pud ang suspek ug iyang gi-turnover ang maong kutsilyo…”
Jasaan Municipal Police Station Investigator Police Chief Master Sergeant Alexander Macaindig.

SOURCE: SBPSH
Photo Source: GOOGLE MAP