18 ka motor vehicle ug 16 ka motorsiklo nga kolurom, nakumpiskar sa LTO-10!
MIKABAT sa 18 ka motor vehicle ug 16 ka motorsiklo nga kolurom ang nakumpiskar sa Land Transportation Office kon LTO-10!
Alayon sa padayong kampanya sa ahensya sa paglakag sa tanang kolorum nga sakyanan sa kadalanan sa rehiyon.
Matud ni LTO-10 Law Enforcement Division Chief Santino Aguilar nga wala’y pu-as ang paglakag sa ahensya kalabot sa mga sakyanan nga wala’y mga eksaktong mga dokumento ug dili rehistrado.
Giklaro pa sa opisyal nga nag-atubang sa multa ang mga tag-iya ug nanga-impound usab ang mga sakyanan niini sa buhatan.
“..nagconduct ta og simultaneous nga enforcement sa anti kolurom. Nakadawat kita og memorandum gikan sa taas nga pahimusgan nato ang enforcement sa kolurom. Sa tibuok rehiyon nakadakop mi og 18 ka motor vehicle nga kolurom, 16 pod ka motorsiklo nga kolurom, na impound na tanan. Ubay-ubay ang atong nadakpan walay hunong on going gyapon unsa ato makita nga nag operate sila nga walay prangkisa ato gyud ni silang dakpon gyud..”
LTO-10 Law Enforcement Division Chief Santino Aguilar
SOURCE: SR LIVE
Photo: SR LIVE
