Tokyo Olympics gold medalist Hidilyn Diaz, misiguro nga mosalmot sa umaabot nga 19th Asian Games sa Hangzhou China!
GISIGURO ni Tokyo Olympics gold medalist Hidilyn Diaz nga mosalmot sa umaabot nga 19th Asian Games sa Hangzhou China karong Setyembre 23 to October 8 ning tuiga!
Mosangka ang Pinay weightlifter sa mas bug-at nga 59-kilogram division human gilangkat sa 55 kilogram category diin naangkon niini ang gold medal niadtong tuig 2018 sa Jakarta Indonesia.
Sa dili pa ang quadrennial event makigtigi una si Diaz sa 2023 World Weightlifting Championships sa Setyembre 4 ngadto 17 sa Riyadh Saudi Arabia.
Ang nahisgutang torneyo, usa ka mandatory event aron ma-qualify sa 2024 Olympics sa Paris, France.
Samtang naglaum ang 32-anyos nga lifter nga makab-ot ang ikaduhang bulawang medalya sa nagsingabot nga torneyo.
SOURCE: PHILSTAR
Photo:Players Bio
