Re-assignment sa mga Police personnel sa rehiyon, sugdan sa September!

SUGDAN sa Setyembre ang re-assignment sa mga police personnel!
Matud ni PRO-10 Spokesperson Police Major Joann Navarro nga gitakdang I-assign sa laing lugar ang mga pulis nga aduna’y kabanay nga magpapili sa umaabot nga Barangay ug SK Election.
Giklaro pa niini nga aduna na kini projected number nga gihuptan sa mga pulis nga I-assign sa laing lugar apan dili pa kini mabutyag hangtud dili mahuman ang filing sa Certificate of candidacy.
Gipamugos sa opisyal nga tumong niini nga magbailing non-partisan ang sakop sa mga pulis dili lamang sa rehiyon apan lakip na sa nasud.

“…sa atoang personnel nga adunay membro sa pamilya o paryente within 4th civil degree by affinity nga mudagan sa Barangay and SK Elections and probably since mahitabo kana didto sa panahon nga mag file na gyud sa certificate of candidacy ang mga kandidato diha nato mahibal-an kung aduna ba gyud, posible sa first week of September aduna nay mga re-assignment nga mahitabo as of now projected lang nga numbers ang naa pero dili pana ma finalize gyud hangtud tong mga parente nila mag file gyud for candidacy ayha nato ma finalize, dili lang sa PRO10 sa atoang mga policies sa atoang PNP…”

Samtang posibleng mag-atubang sa administrative case ang pulis nga dili magsaba nga aduna kini kabanay nga mikandidato sulod sa area of responsibility.

“…mag atubang kana sila sa kaso nga administratibo kay naa mana sa atoang polisiya nga dapat aduna gyud re-assignment sa atoang mga personnel kung naay mudagan nila nga parente o kamag-anak or within sa ilang pamilya mudagan sa election, so kana mag atubang kana sila sa administrative case apil usab sa katong dishonesty sa wala nila pag declare sa ilang kaugalingon nga aduna diay silay kamag-anak nga mudagan…”
PRO-10 Spokesperson Police Major Joann Navarro.

SOURCE: GMCDO
Photo Source: Manila Bulletin