Pagbantay sa seguridad sa mga tinun-an nunot sa pagbukas sa klase karong adlawa, gipahugtan.

GIPAHUGTAN sa kapulisan ang pagbantay sa seguridad sa mga tinun-an nunot sa pagbukas sa klase karong adlawa!
Matud ni PRO-10 Spokesperson Police Major Joann Navarro nga ubos sa Oplan Balik-Eskwela, nakig-koordinar ang mga police sa local government Units kon LGUs ug sa mga force multiplier aron mas mapalapdan pa ang pagbantay sa palibot ilabina gawas sa tunghaan.
Gipadayag pa sa opisyal nga lakip sa gipahugtan ang pagbantay sa kadalanan aron masiguro nga luwas ang tinu-an ug ginikanan nga motabok sa dalan.

“…ang Oplan Balin-Eskwela, ang atoang mga kapulisan will be very visible sa atoang mga tunghaan labaw na sa atoang public, apil kana sa atong mga gitagaan sa siguridad noh hilabi na atong mga higalang pulis mag conduct og pulis visibility specially sa pagtungha ug pag gawas sa atong mga estudyante to insure them nga safe ilang pag adto ug pag uli sa ilang skwelahan…”
PRO-10 Spokesperson Police Major Joann Navarro.

SOURCE: P.I #7
Photo Source: psbalita.com