Mga pulis nga ma-assign sa 2023 FIBA World Cup, gidid-an sa pagkuha og hulagway sa venue ug sa mga NBA player.

GIDID-an nga mag-selfie ang mga pulis nga ma-assign sa venue sa opening sa 2023 FIBA World Cup ugmang adlawa!
Base sa gipagawas nga direktiba sa Philippine National Police kon PNP nga lakip sa gidili ang pagkuha og hulagway uban ang mga international athlete.
Matud ni PNP Spokesperson Police Col. Jean Fajardo nga padayong gipasidan-an ang mga pulis nga likayan ang pag-selfie sa NBA Players aron makatuyok sa pagbantay sa palibot.
Giklaro pa sa opisyal nga nagpadayon ang contingency planning ug simulation exercise aron mabantayan ang mga lugar diin gipahigayon ang torneyo.
Hisayran nga moabot sa dul-ag 3-mil ka sakop sa National Capital Region Police Office kon NCRPO ang gi-deploy alang sa World Cup.

SOURCE: RNT
Photo Source: saksipinas