Mayor Rolando “Klarex” Uy, nanawagan sa katawhan nga moabag sa pagbantay sa palibot nunot sa nagsingabot nga kapistahan sa ciudad.

HUGTANONG nanawagan si Mayor Rolando “Klarex” sa katawhan nga moabag sa pagbantay sa palibot sa ciudad!
Kini aron mamahimong hapsay ug malinawon ang pagsaulog sa kapistahan sa dakbayan.
Matud ni Mayor Uy nga kinahanglang dili magsalig sa mga kapulisan o uban pang Law enforcement agency tungod responsibilidad sa matag usa pagpabiling hapsay ang palibot.
Giklaro pa niini nga wala’y pu-as ang pagbantay sa kapulisan sa mga lugar nga aduna’y kalihukan hinungdan nga wala’y angay kabalak-an ang katawhan.
Samtang gihangyo sa Mayor ang katawhan nga dapiton ang mag kaila o higala nga anaa sa silingang lugar nga mosaksi sa mga kalihukan ingon man sa kapistahan ni Sr. San Agustine.

“…kanunay kong nagahangyo ug nagapahinumdom dili lang kita mag salig sa atong kapulisan, ug sa mga armadong kusog, ug sa Oro task force atong kaakuhan matag tagsa-tagsa nato ka kaugalingon nga mag binantayon kita aron mag malampuson, magmalinawon ang kasadya sa kasaulugan sa atong kapistahan, hangyu usab ako kaninyo nga hangyoa inyong mga parente, ang inyong mga kahigalaan, ang inyong mga kaila sa nag lain-lain nga dapit, palihog dapita ninyo dinhi sa kasaulugan sa fiesta sa Cagayan de Oro…”
Mayor Rolando “Klarex”

SOURCE: CIO
Photo Source: Cagayan de Oro City Council